Do 10-09-2024 ao 02-10-2024
Máis dun cento de nenas e nenos participaránna primeira quenda dos Vimicampamentos que se desenvolverá até o 24 de xullo.
Durante estes días realizarán actividades medioambientas relacionadas coa reciclaxe e a reutilización, visitarán oPuntoLimpo, coñecerán os penedos de Pasarela, o paseo fluvial de Vimianzo, o Castro das Barreiras, terán tempo para obradoiros, manualidades, xogos, xincanas, piscina e unha xornada na praia do Ariño, con velada no pavillón de Vimianzo para os máis maiores.
Os campamentos urbanos organizados polo Concello de Vimianzo son un referente neste tipo de actividades. Este ano como novidade organízanse 3 edicións do Vimicampamento, a primeira do 9 ao 24 de xullo, a segunda, do 26 de xullo ao 10 de agosto e a terceira, do 16 ao 31 de agosto.
Tamén se cubriron as 30 prazas destinadas a nenas e nenos nacidos entre 2001 e 2006 para ocampamento multiaventura nas instalacións de Galipark, en Padrón,ao igual que para os cursos de mecanografía que se desenvolverán no Telecentro entre o 9 de xullo e o 31 de agosto, e para o curso de programación con Scratch que se desenvolverá no Telecentro entre o 9 e o 31 de xullo.
O martes da vindeira semana desenvolverase a excursión ao Aquapark de Cerceda.