Novas

18-12-2017

Grande éxito na IV edición da Gala Solidaria

Máis de 5000€ recdadados, máis de 150 empresas colaboradoras, máis de 400 persoas de público e máis de 110 agasallos que se sortearon entre os e as asistentes.
Estes son os principais números da IV edición da Gala Solidaria do Concello de Vimianzo.
O diñeiro recadado repartirase entre Cáritas e a Cruz Vermella.
Na Gala, presentada por Marcos Pereiro actuaron As Trubisquiñas, as Escolas Municipais de baile, gaita, pandeireta e canto, os cantantes de Vimianzo, Jaime de Vilaseco, Irma Macías e Rosa Oreiro, o humorista Michel Antelo e o grupo local Trampulleiro.
Para o alcalde, Manuel Antelo, a celebración desta gala anual é unha necesidade pois co recadado axúdase a distintas ONG´s que cubren ocos aos que as administracións, por distintos motivos, non poden chegar. Esta é unha mostra da soliedariedade da veciñanza, do tecido asociativo e do tecido empresarial do Concello de Vimianzo.

Poden ver as fotografías da gala premendo nesta ligazón

Listaxe cos números premiados no sorteo (Poden recollerse até o 30 de xaneiro)