Novas

04-12-2017

O Concello de Vimianzo oficializa o cambio de nome da Avenida de Fisterra nun emotivo acto

O sábdo 2 de decembro tivo lugar na Praza da Igrexa de Vimianzo un acto que tiña como obxectivo oficializar a restauración do nome tradicional da vía principal da vila.
No acto participaron o alcalde de Vimianzo, Manuel Antelo, o historiador Luis Lamela e veciñas e veciños da parroquia de Berdoias.
Lamela achegounos á figura de Benito Blanco-Rajoy Espada, avogado e deputado cuneiro que na ditadura, dende o Colexio de Avogados da Coruña, contribuiu a represión.
A parte máis emotivas do acto veu da man das veciñas e veciños de Berdoias que contaron de primeira man como Benito Blanco-Rajoy se fixo coa propiedade de montes e terras da parroquia amparándose no poder político da ditadura.
Para o alcalde, Manuel Antelo, a recuperación do nome da vía principal de Vimianzo que a partir de agora parasará a denominarse Avenida de Fisterra, é un acto propio da memoria histórica pero tamén de respecto e de recoñecemento para coa veciñanza do Concello de Vimianzo, en especial coa veciñanza da parroquia de Berdoias.