Do 10-09-2024 ao 02-10-2024
Durante a semana pasada desenvolveuse en Vimianzo o congreso internacional Emigración e inmigración por razóns laborais no rural da Unión Europea.
Este congreso, organizado polo Concello de Vimianzo, en colaboración co Equipo de Socioloxía das Migracións Internacionais da Universidade da Coruña (ESOMI – www.esomi.es),enmárcouse no proxecto «ERN4mob – European Rural Europe for Job Mobility», financiado polo programa Europa cos Cidadáns – Redes de Cidades 2015.
No congreso internacional participaron representantes de entidades locais de distintos paises da Unión europea:
-Concello de Urzad Miasta Kostrzyn nad Odra – POLONIA
-Comunidade Intermunicipal do Alto Alentejo – PORTUGAL
-Newry, Mourne and Down District Council – REINO UNIDO
-Comune di Petrosino – ITALIA
-Concello de Obec Zemplínske Hámre – ESLOVAQUIA
Dende a organización cualifican o desenvolvemento do congreso dunha maniera moi positiva, xa que puxo de manifesto distintos datos que permiten deseñar políticas públicas e medidas de ámbito social para abordar o ámbito migratorio.
Púxose de manifesto que os movementos migratorios se foron construíndo a través de distintos proxectos de desenvolvemento e os e as inmigrantes, en moitos casos, foron e son instrumentalizados polos estados.
Resultan moi interesantes os estudos académicos que demostran que existe unha relación entre as migracións de finais do século XX e as cadeas migratorias actuais, xa que se moven, xeralmente, nos mesmos ámbitos e os novos emigrantes se ocupan nas mesmas tarefas e traballos que os anteriores. Este feito racha, en parte, co imaxinario da nova emigración conformada por emigrantes cunhas cualificacións profeionais altas.
Dende a organización traballarase, no futuro, para darlle contiunidade a estes traballos e aproveitar as redes creadas.