Do 28-08-2024 ao 30-08-2024
O Concello de Vimianzo presenta a programación do Auditorio para os meses de outubro a decembro
20170928. A concelleira de Cultura, Deportes e Mocidade, Marta Rei e o alcalde Manuel Antelo presentaron hoxe a programación para adultos do Auditorio da Casa da Cultura para os meses de outubro a novembro.
Trátase dunha programación de primeiro nivel que traerá a Vimianzo as últimas estreas das compañías de teatro máis importantes do panorama galego xa que o Auditorio vimiancés forma parte da Rede Galega de Teatros e Auditorios.
A programación comezará o vindeiro sábado 7 de outubro coa representación de A cabeza do dragón, a primeira adaptación ao galego da obra de Valle Inclán. Nos meses de outubro a decembro pasarán por Vimianzo obras como Raclette, Get Back, Ubú Rei, Estado de graza, Nacidas libres, O caso é ter saúde e Elisa e Marcela.
As representación serán os sábados ás 21:00 h, agás a do día 10 de decembro que será o domingo ás 20:00.
Terán un prezo de 5€ e haberá bonos de 30€ para todas as representacións e tarifas reducidas para maiores de 65 anos e estudantes a 2,5€.
Tamén se programarán actividades destinadas ás cativas e aos cativos da casa. Esta programación será presentada a vindeira semana.