Do 28-08-2024 ao 30-08-2024
O Concello de Vimianzo e a Protectora SOS Pelines asinaron un convenio de colaboración para a xestión das adopcións dos animais acollidos na canceira.
A protectora encargarase de xestionar a entrada e saída dos animais na canceira, levando unha folla de rexistro dos animais que entran e saen, de comprobar se necesitan atención veterinaria e de xestionar a súa adopción no caso de que os donos non aparezan.
O Concello seguirá encargándose do servizo de recollida e lazaría.
Con este convenio preténdese evitar o sacrificio de animais buscándolles un novo fogar e entregándollos ás familias adoptantes documentados e cun contrato de adopción. A Protectora fará un seguimento do coidado e do estado dos cans adoptados.
A Protectora desenvolverá campañas de concienciación destinadas a mellorar o estado e o coidado dos animais domésticos, destinadas tanto a escolares como ao público en xeral.
Pódese acceder á páxina que ten a Protectora na rede social Facebook para consultar os cans que actualmente están acollidos na canceira de Vimianzo.