Novas

12-12-2011

O auditorio da Casa da Cultura acollerá o mércores o II Foro da Costa da Morte

O II Foro da Costa da Morte: un mar de oportunidades, organizado polo Grupo Correo Gallego, desenvolverase ao longo da mañá do mércores no auditorio da Casa da Cultura. Tres mesas redondas para debater sobre o presente e o futuro da Costa da Morte: na primeira delas falarase sobre o "Turismo na Costa da Morte: Presente e futuro", para iso contarase coa presenza de Manuel Varela Rey, Zaira Rodríguez, José Manuel Pan e José Ángel Pérez, moderados por Ricardo García Mira; na segunda das mesas abordaranse as perspectivas do sector pesqueiro na Costa da Morte, coas intervencións de Juan Carlos Maneiro, Andrés Cerdeiras e Ignacio Castro, moderados por Emilio Louro; e para pechar a sesión debaterase sobre as liñas de apoio ás empresas, coa participación de Roberto Vieites, Guillerme González, Manuel Muíño e José Ramón Esperante, moderados por José Gabín.
A inauguración da xornada será ás 10 da mañá a cargo da Delegada Territorial da Xunta de Galicia, Belén do Campo, e os encargados de clausurar o Foro serán Perfecto Vázquez, deputado provincial, e Manuel Antelo.