Novas

02-07-2016

O Concello de Vimianzo adhírese ao operativo da Xunta para loitar contra a avespa velutina

O Concello de Vimianzo asinou un convenio de colaboración coa Consellaría de Medio Rural da Xunta de Galicia para participar no operativo de loita contra a vesta velutina.

A Consellaría achegoulle ao Concello dous traxes para retirar os niños.

Se atopan un niño de vespa asiática teñen que comunicalo a través do teléfono de emerxencias 112 para que se inicie o operativo de retirada.

O número de niños retirados polos operarios do Concello de Vimianzo e a súa situación serán introducidos nunha plataforma informática da Xunta de Galicia que permitirá obter datos estatísticos sobre a presenza da avespa velutina en todo o territorio.

A participación de operarios municipais na retirada dos niños dotará ao operativo, por unha banda, dunha maior axilidade xa que o persoal que retire os niños non terá que desprazarse dende outros lugares, e por outra ofrecerá un trato e asesoramento personalizado ás persoas afectadas.