Novas

30-03-2015

A Sala de Exposicións Antón Mouzo acolle a exposición Costa da Morte de Detlef Kappeker

O alemán Detlef Kappekel súmase á longa lista de artistas que escollen a Sala de exposicións Antón Mouzo como un lugar idóneo para mostrar a súa arte ao público de Vimianzo e de toda a Costa da Morte. E é que o lema da Sala, Orgullosos do noso, cobra unha ampla dimensión, e como sinalou o Tenente Alcalde, Fernando Mancebo na inauguración desta exposición, "noso non é só Vimianzo, senón que todos sentimos nosa toda a Costa da Morte". Detlef Kappeler, alemán de Stettin, mais afincado en Muxía, amosa un fondo sentimento do que representa o mar da Costa da Morte, e así o transimite nos seus cadros. unha exposición, a que podemos ver en Vimianzo, que percorreu diferentes salas europeas, levando a nosa terra nos seus lenzos aos máis prestixiosos espazos artísticos.
A mostra poderase ver en ata o vindeiro 24 de abril no horario de apertura da Casa da Cultura. De luns a venres deste as 9.00 ata as 20.00 horas e os sábados de 9.00 a 13.00 horas.