Do 28-08-2024 ao 30-08-2024
A Concelleira de Benestar Social, Mª Xosé Ramos, acompaña máis dun cento de veciños e veciñas do concello nunha viaxe organizada para os maiores de 55 anos. Unha viaxe que espertou moito interese na veciñanza, que deseguido ocupou as prazas dispoñibles.
Saíron de Vimianzo o pasado xoves pola tarde e logo de cear no Parador de Villafranca del Bierzo chegaron a Benidorm o venres pola mañá.
O domingo tiveron unha visita guiada á cidade de Alicante na que visitaron, entre outros lugares, os castelos de Santa Bárbara e de San Fernando, o Parque Canalejas, a Lonja de Pescado ou a illa de Tabarca.
Hoxe luns visitarán o Parque Mundomar, no que verán animais como os flamencos, as tartarugas, os cisnes ou as nutrias.
O xoves 25 emprenderán a viaxe de regreso, xantando nas aforas de Madrid e merendando en Vega de Valcarce.
A chegada a Vimianzo está prevista para o xoves as 22:00 h.