Novas

23-06-2014

Vimianzo viviu o seu día da bicicleta

A afección ao deporte vai a máis no concello de Vimianzo e así o demostraron os preto de cen afeccionados á bicicleta que o domingo participaron no Día da bicicleta. O Tenente Alcalde, Fernando Mancebo daba a saída na Praza do Concello ás 11 da mañá á comitiva ciclista que partían dispostos a percorrer o Val de Vimianzo nunha xornada tranquila. Maiores e pequenos gozaron dunha xornada deportiva para toda a familia. Despois de percorrer o val pola ladeira do Monte Faro, unha parada para avituallamento para repoñer forzas con rosca de Pan Ignacio. E despois continuar camiño do último tramo pola ladeira de San Bartolo ata o final do percorrido na praza do concello, pouco antes da unha da tarde.
Unha vez na praza, o xornalista vimiancés Manuel Rial fixo de mestre de cerimonias para o sorteo de agasallos, que foron recollendo os participantes da man dos concelleiros Fernando MAncebo e Mª José Ramos. O máis agardado, a bicicleta, quedou nesta ocasión en Vimianzo, nas mans de Antonio Blanco Graíño.