Do 28-08-2024 ao 30-08-2024
A bandeira ondea a media asta e con crespón negro na Casa Consistorial en sinal de loito polo concelleiro da corporación municipal Ramón Santos Vázquez, que finou nun desgraciado accidente laboral. Está prevista a celebración dun Pleno extraordinario mañá ás 14 horas para facer unha declaración institucional ao respecto do pasamento do concelleiro.
Ramón Santos foi unha persoa que dedicou parte da súa vida ao servizo dos veciños e veciñas de xeito altruísta, tanto no ámbito civil, coma nos últimos tempos políticos nos que foi concelleiro da corporación municipal de Vimianzo polo Partido Popular.
Desde aquí trasladamos o apoio e solidariedade do concello de Vimianzo coa familia de Ramón e ao Partido Popular de Vimianzo por tan lamentable perda.