Novas

08-01-2014

Un total de 194 nenos e nenas pertencentes a 138 familias do concello recibiron as axudas para escolares e para o fomento da natalidade

O concello de Vimianzo acaba de pagar 17175,€ en axudas para o fomento da natalidade e para gastos nos que incorren os escolares do ensino obrigatorio matriculados en centros públicos.

Once familias reciben 100,€ polo nacemento de fillo ou filla, adopción ou acollemento ata o 1 de setembro de 2013. O límite económico para acceder a unha axuda por nacemento era ter unha renda per cápita non superior 9.600,€ anuais.

No caso das axudas escolares un total de 189 nenos e nenas de 127 familias de Vimianzo, reciben un total de 16075,€ o que dá unha media de 126,€ por familia.
O goberno municipal, grazas ao esforzo aforrador na Área de Benestar, conseguiu atender todas as solicitudes que tiñan dereito a acceder a esta axuda escolar, é dicir nas familias onde a renda distribuída entre cada un dos membros da unidade familiar é menor de 6390,13€, sendo os escolares pertencentes ao ensino obrigatorio e matriculados nun centro de ensino público.
O Alcalde cumpre así un compromiso de axuda ás familias con xente máis nova en momentos de grandes dificultades e moito gasto