Do 28-08-2024 ao 30-08-2024
O Concello de Vimianzo contou este Nadal coa visita do Apalpador, o vello carboeiro que habita durante todo o ano nos montes do Courel e baixa na noite do 24 ou do 31 de decembro ás aldeas. Entra nas casas e visita os nenos e nenas mentres dormen, apálpalles as barrigas para comprobar que estean ben alimentados e deséxalles fartura para todo o ano. E vaise deixándolles unha boa presa de castañas.
Co carro das castañas chegou á Casa da Cultura de Vimianzo onde o agardaban os nenos e nenas ansiosos de escoitar a súa historia e de comer as saborosas castañas quentiñas. Ben seguro que a estes raparigos e raparigas non lle ha faltar fartura no vindeiro ano.
O Concello aposta deste xeito por divulgar unha tradición propia sen deixar de contar con outras figuras tan presentes no noso Nadal como son Papá Noel e os Reis Magos.