11-11-2013
O pavillón de Vimianzo repenicou ao son das panilleiras
Como cada ano desde hai xa sete a Asociaición de palilleiras As Nemanquiñas de Vimianzo organizaron a Xuntanza de palilleiras no pavillón municipal, que nesta ocasión reuniu máis de medio milleiro de persoas que fixeron que o repenicar dos bolillos resoase en toda a vila. Xunto con María Oanes que falou en representación da Asociación no acto de inauguración estiveron a Deputada provincial, Zaira Rodriguez, a concelleira de Camariñas Sandra Ínsua, representando o encaixe de Camariñas, o Alcalde de Vimianzo, Manuel Antelo e os concelleiros do grupo de goberno, Mª José Ramos e José Trillo. Por diante quedaban aínda varias horas de confraternización entre artesás, de crear vínculos persoais e compartir aprendizaxes. Ao longo de todo o día foron moitas as persoas que desde difernetes puntos da Costa da Morte se achegaron ao pavillón municipal para ver ou mercar.