Do 10-09-2024 ao 02-10-2024
Gaitas e pandeiretas escoitábanse o domingo desde fóra da Casa da Cultura, os artistas afinaban os instrumentos e realizaban os últimos ensaios antes de subir ao escenario. O auditorio enchíase de xente pouco a pouco e as actuacións comezaban a sucederse, alternado pandeireta, frauta e os gaiteiros que pecharon a tarde. Unha tarde de música da terra que conseguiu a ovación do público para os artistas e para os profesores: Bea Mariño, Ismael García e Sonia Amigo.
O domingo os acordes das guitarras tomarán o relevo nas clausuras das escolas municipais. A cita será ás 18.30 horas.