Novas

20-03-2013

Aprobadas as bases da convocatoria de subvencións para o fomento da cultura e o deporte

A Xunta de Goberno Local probou o pasado luns as bases reguladoras da convocatoria ordinaria de subvencións para o fomento de actividades culturais, sociais e deportivas do anos 2013, cun investimento total de 28.500 euros. Nos vindeiros días estas bases serán publicadas no Boletín Oficial da Provincia (BOP) e as asociacións domiciliadas no concello poderán presentar poderán presentar as solicitudes.

O goberno municipal aposta deste xeito polas asociacións do concello que desenvolven un traballo primordial, sen ánimo de lucro, tanto no ámbito deportivo coma no cultural, dinamizando a vida social das parroquias. É por iso que neste ano 2013 se convocan estas subvencións ao inicio do ano e non ao rematar, como viña sendo habitual, para que as entidades dispoñan de maior liquidez á hora de afrontar a programción anual, o que redundará no mellor funcionamento das mesmas. Coa nmesma finalidade a convocatoria presenta outra novidade, xa que as asociacións poderán solicitar, unha vez concedida a subvención, o pagamento anticipado do 605 do total concedido, antes do prazo de xustificación.