Novas

20-01-2013

O alcalde destina a paga extra a axudas escolares

No pasado mes de novembro convocáronse unhas axudas escolares para colaborar coas familias vimiancesas nos estudos dos seus fillos e como maneira de defender a escola pública, dados os recortes en educación habidos no último ano.

O concello destinou unha partida orzamentaria de 14.000 euros para este fin, que non chegaron para cubrir a gran cantidade de solicitudes existentes. 147 solicitudes recibiron o ingreso da súa axuda escolar, mais quedaban 20 nenos e nenas que quedarían sen a cantidade económica que lles correspondía de non ser porque MAnuel Antelo decidiu destinar a este fin a súa paga extra de Nadal. O venres reuniu aos pais e nais solicitantes e entregoulles o importe correspondente a cada un, cumprindo deste xeito con todas os solicitantes que cumrpían os requisitos que constaban nas bases da convocatoria e solidarizándose o alcalde deste xeito cos funcionarios do concello que non puideron percibir a paga extraordinaria correspondente.