Do 10-09-2024 ao 02-10-2024
Os nenos e nenas tiñan onte unha festa especial na Casa da Cultura xa que agardaban a visita do carteiro real, o encargado de levar as cartas nas que piden os agasallos aos Reis Magos.
Os pequenos chegaron á casa da Cultura ás cinco da tarde dispostos a unha tarde de actividades. Elaboraron un roscón de Reis con chocolate e gominolas, que logo degustaron entre todos os participantes. Durante a tarde houbo animación e globoflexia, mais os nenos agardaban a vista do carteiro real ansiosos por entregarlles as cartas. O paxe tamén traía agasallos para os presentes, pero antes de recibiren cadansúa buxaina tiveon que cantarlle panxoliñas. unha vez as cartas estiveron na caixa de correo real, o carteiro despediuse de todos dándolles varios consellos para a noite de Reis: ir cedo para a cama, deixarlle baldes de auga para os camelos e turrón para os Magos.
O sábado os Reis visitarán todas as parroquias do concello segundo o horario previsto no programa: Salto (10.45) - Bamiro (10.50) - Tines (11.30) - Treos (11.50) - Serramo (12.20) - Baíñas (12.50) - Castrelo (15.30) - Berdoias (16.00) - Carnés (16.30) - Cereixo (17.00) - Carantoña (17.30) - Calo (18.00 Pasarela) - Vimianzo (19 h. Xeriatrico; 19.30 vivenda comunitaria e centro de día; 20 horas recepción na Casa da Cultura).