Novas

28-12-2012

Vimianzo é o primeiro concello da Costa da Morte en poñer en marcha a sede electrónica

O pasado día 19 de decembro a deputación da Coruña remataba os trámites para poñer en funcionamento a sede electrónica do concello de Vimianzo, sendo o noveno concello da provincia e o primeiro da Costa da Morte, e o único ata o momento, en ofrecer a posibilidade de realizar, a través da internet, trámites administrativos con total validez sen desprazarse á Casa do Concello, a calquera hora do día durante todos os días do ano. para poder realizar os trámites é necesario dispoñer de DNI ou certificado electrónico. A sede garante a identidade e autenticidade do cidadán a través dos certificados electrónicos e do rexistro telemático, que rexistra e acredita as transacción realizadas.
A través da sede os cidadáns poderán realizar diferentes trámites administrativos realcionados co padrón de habitantes, rexistro civil, actividades culturais e deportivas, solicitar licenzas ou información urbanística, etc.
Manuel Antelo foi o encargado de realizar o primeiro trámite telemático na sede electrónica, á que se pode acceder ben desde esta páxina web, pinchando no banner correspondente, ou entrando en http://sede.vimianzo.es