Novas

12-11-2012

Máis de 650 panilleiras na Xuntanza de Vimianzo

A VI Xuntanza de palilleiras de Vimianzo, organizada pola Asociación de palilleiras As Nemanquiñas, congregou a máis de 650 palilleiras chegadas desde diferentes puntos da xeografía galega dispostas a pasar unha xornada de confraternización arredor da artesanía do encaixe que tan ben dominan. O repenicar dos panillos comezaba a sentirse pouco despois das 10.30 da mañá e as mesas do pavillón ían enchéndose de artesás, maiormente mulleres, aínda que tamén se podía atopar algún home que demostraba que o panillo non é só cousa de mulleres.
A presidenta das Nemanquiñas dáballe a benvida arredor das 12.30 horas a todos os presentes acompañada pola deputada provincila Zaira Rodrígues, o alcalde de Vimianzo, a concelleira de Camariñas Sandra Ínsua e concelleiros da corporación municipal de Vimianzo. Por diante quedaba aínda unha tarde de traballo e conversa na que moitos veciños e veciñas de Vimianzo e da Costa da Morte se achegaron ao pavillón municipal.