Do 28-08-2024 ao 30-08-2024
O Centro Social de Vimianzo alberga desde a pasada o novo centro de traballo para os usuarios e usuarias da Asociación pro Enfermos Mentais APEM. O pasado venres o presidente de APEM, José Luis Muruzábal, achegábase a Vimianzo para inaugurar as instalación xunto con Manuel Antelo e Mª Xosé Ramos. Muruzábal agradeceu a dispoñibilidade do concello de Vimianzo que desde o momento da proposta do presidente da Asociación se mostrou disposto a colaborar, mentres que Manuel Antelo agradeceu ao presidente da asociación que escollesen Vimianzo para abrir un novo centro de traballo, unha oportunidade que o concello non pode desaproveitar. Entre os presentes na inaguración na que se atopaban familiares dos usuarios e usuarias, tamén representantes de diferentes concellos da Costa da Morte: o alcalde de Zas, Manuel Muíño; o alcalde de Camariñas, Manuel Alonso, a concelleira de Servizos Sociais de Camariñas, Mª del Carmen Linares; o alcalde e tenente alcalde de Cabana, José Muíño e Carlos Allo; e traballadoras sociais dos concellos da Costa da Morte.