Novas

24-08-2012

A vicepresidenta da Deputación visita a Mostra de artesanía do castelo de Vimianzo

O venres chegaba a vicepresidenta da deputación da Coruña, Mª Dolores Faraldo Botana, ao concello de Vimianzo ás 12 da mañá, onde a agardaban o alcalde, que facía un alto nas súas vacacións para recibila, e o tenente alacalde, Fernando Mancebo. Logo dunha conversa na alcaldía onde falaron de temas de interese común ao concello e á Deputación, saíron camiño do castelo onde os agardabne os artesáns e artesás. Durante a visita acompañaron tamén á vicepresidenta a concelleira nacionalista, Mª Xosé Ramos, e o concelleiro popular, Pablo López. A comitiva visitou a todos os artesáns que traballan no castelo recibindo as visitas de milleiros de visitantes durante os meses de verán: oleiros de Buño, canteiros, zoqueiros, maquetería de barcos, artesanía en coiro dos alumnos de Aspadex, cesteiros da Asociación Neira Marcos de Salto, artesanía do liño coa Asociación de Veciños O Santiaguiño de Carreira e Amigos do Liño; e o palillo de Muxía (Asociación Nosa Señora da Barca), Camariñas (Asociación Renda) e as anfitrioas de Vimianzo da Asociación a As Nemanquiñas. Para rematar a visita a Asociación Amigos do Liño preparou un desfile de modelos como mostra do seu traballo, que por motivos climatolóxicos tivo que realizarse na torre do castelo.
Unha vez rematada a visita Mª Dolores Faraldo volveu ao concello acompañada por alcalde e concelleiros asinar o convenio polo cal pode poñer en marcha a Mostra de Artesanía. esta mostra póderase viistar ata finais de mes todos os días, excepto o luns, e a partir do mes de setembro as fins de semana.