16-07-2012
O centro socio-cultural de Baíñas abriu para os veciños e veciñas
O pasado sábado tiña lugar unha xornada de portas abertas para que os veciños e veciñas puidesen acceder ao interior do Centro socio-cultural de Baíñas logo de rematadas as obras do primeiro piso, onde se atopa o auditorio que albergará a actividade cultural da parroquia. Manuel Antelo recibiu os numerosos veciños e veciñas que se achegaron ao centro cultural emprazándoos para unha inauguración cando o auditorio estea acondicionado e preparado para o uso, comprometéndose a elaborar unha programación cultural para o centro sociocultural con teatro, actuacións musicais, etc. Para a xornada de portas abertas as persoas que participaron puideron gozar da prodixiosa voz da vimiancesa Irma, como adianto á programación que terán unha vez funcione plenamente.