Novas

08-04-2025

O Concello organiza unha viaxe á Illa da Toxa para persoas maiores de 55 anos

O Concello de Vimianzo abre este xoves, 10 de abril, o prazo para inscribirse nunha nova excursión destinada ás persoas maiores de 55 anos, cun destino único: a Illa da Toxa. A estadía desenvolverase durante catro días, do 5 ao 8 de maio, no Hotel Balneario da Illa da Toxa.

As persoas interesadas poderán formalizar a súa inscrición a partir das 8:00 horas dese mesmo día na área de Benestar Social do Concello. As prazas son limitadas e cubriranse seguindo a orde de chegada ata esgotarse.

A viaxe inclúe o desprazamento ata a Illa da Toxa, o aloxamento e o pase ás augas termais do Balneario, que ofrecen múltiples beneficios como a relaxación muscular ou a mellora da circulación. Contémplase tamén un variado programa de actividades, entre as que está prevista unha excursión á cidade de Vigo con visita guiada.

A iniciativa busca favorecer a convivencia e o benestar das persoas maiores de municipio, ofrecéndolles unha oportunidade para desconectar e compartir experiencias.