Novas

Baíñas coroa o Entroido de Vimianzo cun concurso cheo de cor e alegría

Baíñas puxo na xornada de onte o punto e final á programación do Entroido de Vimianzo cun concurso de disfraces cheo de cor e alegría.

O tradicional lacón con grelos, acompañado de pan, viño e filloas, puxo sabor á celebración, mentres que a actuación de DJ Chicho puxo o toque musical desta cita.

No evento, organizado pola Comisión de Festas de Baíñas en colaboración co Concello de Vimianzo, repartíronse 2.870 euros en premios, que foron repartidos entre comparsas, grupos, parellas e participantes individuais (infantís e adultos). Estes foron os gañadores:

Comparsas

Primeiro premio: Steampuk (Os da Charca)

Segundo premio: Ti máis eu (AC Trubisquiñas)

Terceiro premio: Unha de pistoleiros do Noroeste (AC Os Enjominados de See)

Grupos

Primeiro premio: Do futuro (Ponte Disfraz)

Segundo premio: Club Deportivo Fervello

Terceiro premio: Os avispados da Carantoña

Parellas

Primeiro premio: Os cafezudos africanos

Segundo premio: Dama e cabaleiro medieval

Terceiro premio: O Titanic

Infantís individuais

Primeiro premio: Frida Kahlo

Segundo premio: Algo de todo

Terceiro premio: Helado fantasía

Adultos individuais 

Primeiro premio: O Furbi Remolón

Segundo premio: Reina de corazones

Terceiro premio: -

Desde o Concello mostraron o seu agradecemento “a todas as persoas que se animaron a participar e que, un ano máis, estiveron con nós, acompañándonos e pechando o Entroido por todo o alto” e tamén “a todos os voluntarios e voluntarias da organización, unha peza clave e fundamental para o desenvolvemento desta xornada”.