Novas

26-11-2024

O Concello conclúe as obras de pavimentación con aglomerado no viario de Moreira, en Carnés

O Concello de Vimianzo concluíu as obras de mellora no viario de Moreira, na parroquia de Carnés.

A actuación, que contou cun orzamento de execución de 31.283 euros e foi cofinanciada con cargo ao Plan de rehabilitación de camiños de zonas de concentración ou reestruturación parcelaria 2023-2024, incluíu a limpeza de gabias a ambas marxes e a mellora da capa de rodaxe. Para isto, aplicouse unha capa de aglomerado en quente en toda a plataforma, unha vez xa reparados os baches existentes.

A execución completouse con 30 metros de cuneta de seguridade con 30 centímetros de zahorra e 15 de formigón e coa correcta sinalización horizontal e vertical da zona contemplada.

O concelleiro de Obras, Miguel Ángel Pérez, quixo destacar que estas actuacións “confirman a nosa aposta por mellorar o rural e favorecer as conexións entre os distintos núcleos que o compoñen. Seguimos realizando pequenas intervencións coas que estamos a mellorar cada unha das nosas 14 parroquias”.