Novas

22-08-2024

Vimianzo prepárase para a XI edición do Día da Bicicleta

Vimianzo celebrará o vindeiro domingo 8 de setembro a undécima edición do Día da Bicicleta, unha iniciativa coa que se promove o uso do biciclo como unha actividade deportiva saudable e un medio de transporte sostible.

Trátase dunha pequena marcha cicloturista de 11 quilómetros na que as familias percorrerán diferentes rúas do núcleo urbano e por lugares próximos á vila, diseminados polo Val de Vimianzo.

O punto de concentración será a praza do Concello, ás 10:30 horas, e a saída realizarase ás 11:00 horas desde este lugar.

A actividade está dirixida para todos os públicos, pero os menores de idade deberán ir acompañados dun adulto. Así mesmo, o uso de casco será obrigatorio para todas as persoas que participen na actividade, que deberán inscribirse previamente a través de www.vimianzo.gal.

A actividade é completamente gratuíta e o prazo límite de inscrición é o venres 6 de setembro.