Do 10-09-2024 ao 02-10-2024
Desde o 24 de xullo pódense solicitar as axudas para a celebración de festas parroquiais do ano 2024, convocadas polo Concello de Vimianzo co obxectivo de colaborar coas Comisións de Festas para a realización de festexos populares, tradicionais e/ou patronais de arraigo cultural ou gastronómicas xa consolidadas.
Deste xeito, o Concello pretende promocionar a celebración de festas populares, apoiando a organización dos programas festivos que realizan asociacións ou grupos de veciños, así como contribuír a preservar a tradición festiva.
As axudas están dirixidas a entidades xuridicamente constituídas que estean rexistradas no Concello de Vimianzo ou agrupacións de persoas físicas ou xurídicas, públicas ou privadas ou colectivos constituídos coa finalidade de levar a cabo o obxecto da convocatoria.
Para dito fin destínase un orzamento de 35.000 euros e o importe das axudas determinarase segundo o número de días festivos que se celebren e nos que se realice unha verbena ou concerto: a axuda será de 250 euros por cada día de festa e 300 euros para o servizo de limpeza do campo da festa.
As solicitudes pódense presentar na sede electrónica do Concello de Vimianzo e o prazo é de dous meses desde a publicación no BOP.