Concello de Vimianzo
22 de febreiro de 2024
O corazón da Terra de Soneira

Novas

09-12-2023

Concello e Xunta comprometen a redacción do proxecto de mellora da seguridade viaria na entrada de Vimianzo

Concello e Xunta comprometen a redacción do proxecto de mellora da seguridade viaria na entrada de Vimianzo

A alcaldesa de Vimianzo, Mónica Rodríguez, e o concelleiro de Obras, Miguel Ángel Pérez, reuníronse coa Conselleira de Infraestruturas, Éthel Vázquez, para trasladarlle varias demandas no que a protección do peón e condutor, así como á reordenación do tráfico, se refiren.
 
O groso da xuntanza non era outro que trasladarlle á Conselleira a posibilidade de levar a cabo unha importante intervención na AC-552, que da entrada a Vimianzo, á altura da Fonte dos Cabalos, entre os PQ 66+100 e PQ 66+700. 
 
Comprometeuse a posta en marcha da redacción do proxecto das dúas rotondas que “suporán unha mellora na seguridade viaria nun punto moi conflitivo e onde se precisa a instalación de elementos que minoren a velocidade dos vehículos”, subraiaron.
 
A rexedora, Mónica Rodríguez, quixo agradecer “a disposición da Conselleira de Infraestruturas, Éthel Vázquez, á hora de escoitar as nosas demandas”, enfatizando que “a pesar de que os puntos a tratar nesta xuntanza son varios, o máis relevante nestes momentos é o proxecto de mellora da seguridade viaria na AC-552 na entrada de Vimianzo”. 
 
 
Outros puntos a tratar 
 
Tanto a alcaldesa como o edil de Obras trasladaron tamén á Conselleira de Infraestruturas a necesidade de repavimentación na capa de rodaxe nas vías de titularidade autonómica AC-552, que vai a Fisterra, e AC-432 que vai a Camariñas. Vázquez recalcou que xa hai instrucións de que se leve a cabo a execución de ambas intervencións. 
 
Por outra banda, tamén se trasladou a necesidade de actuar en dous puntos críticos dentro do ámbito municipal: o cruce de Berdoias que une a AC-411 -que vai de Muxía a Santiago de Compostela- coa AC-552 -que vai de Vimianzo a Fisterra; así como tamén en Baíñas, onde conecta a AC-411 cunha estrada municipal. 
 
Vázquez comprometeuse a estudar todos os puntos que foron tratados na reunión, aspecto que agradeceron tanto Rodríguez como Pérez, recalcando que “proxectos que redunden no benestar da veciñanza, a protección do peón e mellora da seguridade viaria son prioridade para nós”. 

Cita previa
Sede Electrónica
Pagos en liña
Directorio Empresarial
Escoitámoste
Liña directa co alcalde
Axenda
- 2024 +
- febreiro +
L
M
M
X
V
S
D
 
 
 
 
 
 

Perfil de contratante
Boletíns
Museo Virtual SEA- Suelo Empresarial del Atlántico GDR Costa da Morte Grupos de Acción Costeira Obradoiro de Emprego Xuvenil
COOKIES
Este sitio utiliza cookies para proporcionar os nosos servizos e realizar análisis de uso e de medición de nosa web. Se continúa navegando, consideramos que acepta o seu uso. Pode obter máis información, ou ben coñecer como cambiar a configuración do seu navegador, pulsando na nosa Política de Cookies | ACEPTAR X