Novas

03-07-2023

O Concello abre o prazo de inscricións para visitar Tenerife

A viaxe desenvolvera no mes de outubro e vai destinada aos veciños e veciñas de 55 ou máis anos empadroadas no municipio.

O Concello de Vimianzo, dende a área de Servizos Sociais, organiza unha viaxe a Tenerife Sur para a veciñanza de 55 ou máis anos co obxectivo de incrementar a oferta lúdica e de ocio entre a poboación desta idade.

A duración da mesma será dunha semana, dende o venres 6 de ata o venres 13 de outubro, habilitándose un total de 100 prazas.

O prazo de inscrición abriuse este luns, 3 de xullo, e rematará cando se completen as prazas ofertadas. Será imprescindible estar empadroado ou empadroada no municipio.

Desde o Concello están seguros de que “pronto se cubrirán as prazas xa que este tipo de iniciativas son unha forma máis de conectar á veciñanza, de que desfruten do seu tempo libre e de que coñezan novos lugares ao tempo que se relaxan da rutina do día a día”.