Novas

17-06-2023

Constituída a nova corporación do Concello de Vimianzo tras a celebración do Pleno de investidura

O Auditorio da Casa da Cultura acolleu esta mañá o Pleno de investidura no que se constituíu a nova corporación do Concello de Vimianzo. Mónica Rodríguez, do PSdeG-PSOE de Vimianzo, será novamente alcaldesa os vindeiros catro anos, e acompañarana nove edís socialistas, dous do BNG de Vimianzo e un do Partido Popular de Vimianzo.

A rexedora, visiblemente emocionada, quixo agradecer o traballo “á corporación saínte e desexarlle toda a sorte do mundo ós novos concelleiros e concelleiras, xa que todas as forzas que integran a corporación para o exercicio 2023-2027 presentan novos nomes e a súa fortuna á hora da toma de decisións redundará no beneficio colectivo de Vimianzo”.

“O progreso é o noso obxectivo. Se facemos balance, creo que Vimianzo é mellor que hai catro anos, pero temos moito que facer e nese camiño estamos”, aseverou a que continuará sendo alcaldesa de Vimianzo.

Rodríguez finalizou o seu discurso non sen antes agradecer o apoio amosado polo pobo de Vimianzo: “Grazas por confiar de novo en nós; a nosa motivación segue intacta e sabedes que podedes contar con este equipo para todo o que queirades, as nosas portas seguirán sempre abertas”.

Resultado da votación

Os tres candidatos á alcaldía se postularon para ocupar o cargo de rexedor ou rexedora: Mónica Rodríguez, Benxamín Queiro e José Manuel Rodríguez. Ganou Mónica Rodríguez cos dez votos a favor do PSdeG-PSOE de Vimianzo, proclamándose alcaldesa do Concello de Vimianzo.

Conformación definitiva da nova corporación

Mónica Rodríguez – PSdeG-PSOE de Vimianzo

Víctor Muíño - PSdeG-PSOE de Vimianzo

María José Pose - PSdeG-PSOE de Vimianzo

Miguel Ángel Pérez - PSdeG-PSOE de Vimianzo

Rosa Blanco - PSdeG-PSOE de Vimianzo

Mario Andújar - PSdeG-PSOE de Vimianzo

Sergio Miñones - PSdeG-PSOE de Vimianzo

Manuel Pose - PSdeG-PSOE de Vimianzo

Beatriz Pazos - PSdeG-PSOE de Vimianzo

Josefa Campos - PSdeG-PSOE de Vimianzo

Benjamín Queiro – Bloque Nacionalista Galego de Vimianzo