Novas

11-04-2023

Sanxenxo e Tenerife Sur, os dous destinos que poderá gozar a veciñanza da terceira idade de Vimianzo

O Concello de Vimianzo organiza dúas viaxes a diferentes puntos da xeografía española destinadas á veciñanza da terceira idade, concretamente a Sanxenxo e a
Tenerife Sur.

As persoas de 55 ou máis anos poderán hospedarse no Hotel Carlos I de Sanxenxo do 8 ao 11 de maio. Desfrutarán do spa, da gastronomía e de diferentes actividades de lecer. O segundo dos destinos desenvolverase durante oito días na primeira quincena de outubro. Neste último caso as prazas poderán reservarse a partir do 3 de xullo.

As inscricións poderán facerse efectivas desde o xoves 13 de abril na Área de Benestar Social. Son prazas limitadas e iranse cubrindo por estrita orde de solicitude.

A visita a Sanxenxo inclúe a estancia de 3 noites no hotel con pensión completa, tratamento termal, animación e seguro de viaxe. Por motivos de organización, é imprescindible presentar o DNI en vigor durante a viaxe.

Para máis información, pódese chamar ao teléfono 981 70 74 26.