Novas

04-08-2022

O Concello licita o proxecto de pavimentación do acceso ao núcleo de Castro

O Concello de Vimianzo inicia o proceso de licitación do proxecto de pavimentación da pista de acceso ao lugar de Castro, na parroquia de Salto. O orzamento total dos traballos ascende a 86.258,47 euros, estando financiado con cargo ao Plan de Mellora de camiños municipais 2022/2023 de AGADER. O prazo de execución das obras será de 6 meses e as empresas poderán presentar as súas ofertas ata o vindeiro día 5 de agosto.

No proxecto contémplanse traballos de limpeza e roza de cunetas, actuacións de recheo, aplicación dunha nova capa de rodaxe, obras de drenaxe e a instalación de elementos de sinalización, tanto horizontais coma verticais .

O tenente de alcaldesa, Víctor Muíño, sinala que estas actuacións “permitirán aumentar a seguridade viaria tanto de peóns como do tráfico rodado, continuando co plan do goberno local de mellorar o rural en todos os seus aspectos”.