Novas

22-06-2022

Todos os nenos e nenas que fixeron a preinscrición nos campamentos Vimiverán 2022 teñen a súa praza garantida

Vimianzo, 22 de xuño– Todos os nenos e nenas de Vimianzo que fixeron a preinscripción para o CAMPAMENTO VIMIVERÁN 2022 contan con praza garantida. A partir de hoxe e ata o 1 de xullo poderán formalizar a súa matrícula na Casa da Cultura de 8 a 15 h. Ou no teléfono 981717288. O prezo será de 50 euros por quenda ou actividade (desconto familia numerosa 5 euros. A principal novidade será a actividade Vimiaverán nas parroquias, sempre que haxa un mínimo de quince nenas e nenos inscritos/as. Tamén será novidade o servizo de madrugadores.

As parroquias onde terán lugar os campamentos serán as seguintes; na queda 1, BAIÑAS E SALTO; na queda 2, BAIÑAS E SALTO; e na queda 3 BAIÑAS E BERDOIAS.Estas parroquias son as acadaron o número mínimo de 15 inscritos. Haberá tamén actividades temáticas nas que, por un lado, se lle dará a coñecer á
rapazada o Concello, tanto os edificios municipais como os pormenores do funcionamento da Administración local. Por outra parte, son formativas, xa que haberá Vimiteatro, Vimideporte e Vimichef, nas que a cultura, o deporte, a gastronomía serán as temáticas principais. O obxectivo prioritario do Vimiverán 2022, como vén sendo de costume, é facilitarlle a conciliación ás familias do concello, e para iso preséntanse distintas quendas. A primeira, do 27 de xuño ao 15 de xullo, terá Vimideporte e Vimiteatro para nenas e nenos nacidos entre o 2009 e o 201. Celebrarase na Casa da Cultura en horario de 10:00 a 14:00 horas. Por outra banda, Vimideporte está pensado para nenas e nenos nacidos entre o 2010 e o 2019 e celebrarase no pavillón municipal de Vimianzo, cun máximo tamén de 50 prazas.

Do 18 de xullo ao 5 de agosto, haberá Vimichef na aula de cociña da Escola de Reboredo, en Salto, e que estrenarán as rapazas e rapaces para esta actividade, xa que conta con varios equipos de cociña instalados recentemente. Ademais, participarán nun concurso premiado con diferentes sorpresas.
Do 9 ao 26 de agosto, o Vimichef será para nenas e nenos nacidos entre o 2010 e o 2016, tamén na aula de cociña da Escola de Reboredo, en Salto, cun máximo de
30 prazas. O Vimideporte desta quenda, para nenas e nenos nacidos/as entre o 2010 e o 2019 terá lugar no pavillón municipal, e contará cun máximo de 50
prazas. Nesta quenda por primeira vez realizaranse varias actividades en inglés polo menos durante unha hora co obxectivo de que a rapazada aprenda inglés de forma lúdica.

1ª QUENDA: do 27 de xuño ao 15 de xullo
2ª QUENDA: do 18 de xullo ao 5 de agosto
3ª QUENDA: do 9 ao 26 de agosto
4ª QUENDA: do 29 de agosto ao 2 de setembro

CAMPAMENTO VIMIVERÁN NAS PARROQUIAS

1ª QUENDA: do 27 de xuño ao 15 de xullo
BAIÑAS Horario: 10:00- 14:00 h. Lugar: Pavillón de Baiñas
SALTO Horario: 10:00- 14:00 h. Lugar: Salón Parroquial
Servizo de madrugadores: de 8:00 a 10:00 h.
o 2ª QUENDA: do 18 de xullo ao 5 de agosto
BAIÑAS Horario: 10:00- 14:00 h. Lugar: Pavillón de Baiñas
SALTO Horario: 10:00- 14:00 h. Lugar: Salón Parroquial
o 3ª QUENDA: do 9 ao 26 de agosto
BAIÑAS Horario: 10:00- 14:00 h. Lugar: Pavillón de Baiñas
BERDOIAS Horario: 10:00- 14:00 h. Lugar: Salón Parroquial
Servizo de madrugadores: de 8:00 a 10:00 h.