Novas

18-03-2022

Fibra óptica

O Concello de Vimianzo solicita a colaboración veciñal para indentificar os lugares municipais que carecen de cobertura de banda ancha.

Con motivo da consulta pública, aberta desde a Secretaría de Estado de Telecomunicacións e Infraestructuras Dixitais, pedimos a vosa colaboración para completar esta identificación de zonas e obter un mapa definitivo co que facilitarlle a este organismo información sobre zonas nas que sería posible realizar proxectos de extensión da cobertura de redes de banda ancha.

As persoas que presenten problemas coa cobertura deberán cubrir o seguinte formulario https://bit.ly/3MUccPs tendo en conta os seguintes aspectos:

É preciso indicar a referencia catastral.
O formulario soamente é para a recollida de datos e as peticións recollidas poden ser transmitidas ás empresas subministradoras de fibra óptica ou outros organismos.
En ningún momento se garante a instalación de fibra na vivenda ou establecemento indicado.
Só se admitirá unha única petición por vivenda ou establecemento e de haber máis, esta non será presentada.
O prazo para enviar esta información manterase aberto ata o vindeiro 4 de abril.
Consulta o mapa coas zonas xa identificadas aquí: https://bit.ly/37zWLvD