Novas

21-12-2021

Vimianzo aproba o Plan Municipal de Prevención e Defensa Contra os Incendios Forestais

O Concello de Vimianzo aprobou o Plan Municipal de Prevención e Defensa Contra os Incendios Forestais, que ten como obxectivo definir a rede de faixas secundarias de xestión da biomasa e garantir o control e a eliminación total ou parcial da biomasa forestal, mediante técnicas silvícolas axeitadas, ca fin principal de reducir o risco de incendio e protexer a seguridade da veciñanza.

O monte constitúe un patrimonio esencial para o desenvolvemento sustentable de Galicia, onde os terreos de monte constitúen máis do 65% da súa superficie e onde integrados con eles hai 313 concellos cuns 31.550 núcleos de poboación.

A redacción do presente Plan pretende aportar un documento que conteña as accións necesarias para a defensa contra os incendios forestais efectuando unha análise da situación actual, e establece unha zonificación do territorio como marco das directrices da actuación a realizar para acadar os obxectivos propostos.

Poderá consultarse na ligazón que se acompaña.