Novas

14-12-2021

Vimianzo estreará este venres a súa pista de xeo natural na praza do Concello noutra das actividades da programación de Nadal

Vimianzo estreará este venres, 17 de decembro, a súa pista de xeo natural na praza do Concello, equipamento que se instalará por primeira vez no municipio e cuxa actividade forma parte da programación de Nadal.

Poderase acceder á instalación a partir das 18:00 horas e quedará instalada nunha carpa anexa á Casa Consistorial ata o 9 de xaneiro, en horario de 11:00 a 23:00 horas. O prezo de entrada, que inclúe patíns, será de 5 euros, e poderase reservar a través da aplicación móbil de Saudeter, ou en www.app.saudeter.com.

Será obrigatorio o uso de guantes e de máscara sanitaria. Haberá xel hidroalcólico a disposición das persoas usuarias e proporcionaranse calzas de plástico desbotables. Desinfectaranse os patíns despois de cada uso.

Desde o goberno local sinalan que “a nosa intención é ampliar o abano de posibilidades de ámbito lúdico durante o Nadal, e a maiores contribuír á dinamización do comercio e hostalaría locais”, subraian desde o executivo, quenes agardan que “esta actividade, novidosa no noso municipio, sirva tamén como atractivo para que as familias pasen un rato agradable en Vimianzo”.