Novas

22-11-2021

Os Quinquilláns visitarán novamente o Castelo de Vimianzo para ofrecer dúas visitas teatralizadas o 5 de decembro

Os Quinquilláns visitarán novamente o Castelo de Vimianzo para ofrecer dúas visitas teatralizadas o vindeiro 5 de decembro. Desde a Administración local facilítase un formulario de inscrición para ambos pases, ás 12:30 horas e ás 17:00 horas, que serán de balde e con límite de aforo.

O persoal de turismo contactará coas persoas admitidas para confirmar a súa asistencia. O resto de persoas quedará en lista de agarda. As persoas menores de idade deberán ir acompañadas dunha persoa adulta. Haberá 40 prazas por actuación , sendo necesario cubrir o formulario por cada persoa asistente. Solicítase que trinta minutos antes do inicio de cada actuación, a persoa admitida pase pola oficina de recepción para identificarse.

Estará organizada seguindo todos os protocolos COVID-19 vixentes segundo o contexto vixente no momento de celebrarse a cita. A ligazónn de inscrición é a seguinte: https://bit.ly/3DN8diY.