09-04-2012
O concello convocou os propietarios dos terreos do parque eólico de Monte Redondo a unha xuntanza coa nova empresa propietaria
Máis de 100 propietarios e propietarias dos terreos nos que está ubicado o parque eólico de Monte Redondo, convocados polo concello, reuníronse o pasado mércores na Casa da Cultura co responsable da Empresa Gas Natural, Genaro López Salazar, e Julio Vázquez, responsable de Topo 2000 S.L., empresa que se encargará da xestión do mesmo.
O concello mediou entre a nova empresa propietaria do parque, e os propietarios dos terreos para convocar unha xuntanza na que os veciños e veciñas afectados puidesen solventar as dúbidas que tiñan ao respecto dos trámites de xestión que xurdiron ao darse un cambio na propiedade do Parque Eólico. O resultado da xuntanza foi exitoso por ambas as partes, posto que a empresa se comprometeu a facerse cargo dos trámites de xestión do IVE a aqueles veciños que así o desexen.