Novas

21-06-2021

O Concello executa dentro do POS provincial a mellora da pavimentación en varias vías de Cereixo e Carnés

O Concello de Vimianzo, dentro do POS da Deputación da Coruña, executou a mellora da pavimentación en varias vías das parroquia de Cereixo e Carnés. Concretamente, foron tres actuacións nas que se traballou: na que une a Devesa e A Casiña, a que vai de Moreira a Tufións e a de Carnés a Vilar.

Previamente a esta actuación, o firme presentábase en zahorra, e despois da mesma será de riego, o que favorecerá o tránsito de maquinaria agrícola e a conservación da mesma, debido a que en época de moita chuvia a constitución neste material fai máis sinxelo evacuar a auga, evitando así situacións de perigo para peóns e condutores.

Segundo aporta o concelleiro de Obras, Miguel Ángel Pérez, é unha “prioridade” para o executivo non só mellorar as conexións interparroquiais, senón “favorecer a conservación destas vías e incrementar a seguridade da veciñanza”, di o edil, quen avanza que “ben sexa con fondos propios ou a través de axudas e subvencións, continuaremos coa nosa tarefa: mellorar a rede de infraestruturas do concello”.