Convocatorias

Cartel

CONVOCATORIA (Lectura fácil)

Prazo de solicitude: do 16 ao 30 de xuño de 2020, incluídos.

Obxecto

Permiten gozar durante 10 días, dunha estadía socializadora e de convivencia, nun espazo lúdico, humano, integrador, formativo e seguro; mediante o desenvolvemento de actividades que este ano estarán dirixidas especialmente ao fomento de habilidades sociais, ao contacto coa natureza e o mar, ao coñecemento da propia cultura e á educación para a saúde.

A solicitude de praza neste programa de campamentos específicos para persoas con discapacidade é compatible coa solicitude de prazas de inclusión no programa Campaña de verán 2020 da D.X. de Xuventude e Voluntariado

Persoas destinatarias

As persoas que teñan recoñecida a condición de persoa con discapacidade, cun grao igual ou superior ao 33%, e unha idade comprendida entre os 11 e os 45 anos, segundo se indica en cada unha das quendas.

Requisitos

• Ter recoñecida unha discapacidade igual ou superior ao 33%.
• Ter unha idade comprendida entre os 11 e os 45 anos. Ter cumprida a idade mínima ao inicio da quenda e non superar a idade máxima á súa finalización.
• Estar empadroado nalgún concello de Galicia.
• Non padecer enfermidade transmisible con risco de contaxio.
• Non presentar trastornos que poidan alterar a convivencia durante o transcurso  da actividade.
• Ter unha capacidade mínima de comunicación e de participación nas actividades que se van desenvolver.
• Ter unha mobilidade acorde coas características da instalación que se solicita.

Non se admitirá a entrada aos campamentos se a/o participante:

• É diagnosticado positivo por COVID-19 segundo os criterios médicos vixentes.
• Presenta calquera sintomatoloxía (tos, febre, dificultade ao respirar) que poida estar asociada co COVID-19 durante os 14 días previos á súa participación.
• Estivese en contacto estreito ou compartindo espazo sen gardar a distancia interpersoal con algunha persoa afectada por COVID-19 nos 14 días previos á súa participación.

Campamentos quendas específicas

Prezo xeral: 125 €  | Prezo con Título de familia numerosa (-50%): 62,5€  | Prezo con Carné xove (-25%):  93,75€

Adxudicación

A adxudicación farase tendo en conta as seguintes prioridades:

• As persoas que non participaran en anos anteriores.
• Residan habitualmente no domicilio familiar.

No caso de empate a adxudicación de prazas farase por orde de entrada da solicitude.

Documentación

• Solicitude (pdf)
• Informe médico (pdf)

As persoas seleccionadas teñen que aceptar ou renunciar á praza antes de 10 días dende que reciben a notificación de que foron aceptados. No caso de aceptar a praza hai que entregar tamén:

• Xustificante de ter pagado.
• Copia da tarxeta sanitaria ou do seguro médico privado.
• Un informe médico actualizado, no caso de haber cambios de saúde importantes ou necesitar algunha atención especial dende que se presentou a solicitude. 
• Copia do carné de familia numerosa ou do carné xove, segundo proceda, no caso de acollerse a algunha destas condicións.
• Unha fotografía tamaño carné.

É obrigatorio facer isto, para poder entrar na praza concedida.

Lugar de presentación

Consellería de Política Social. Dirección Xeral de Maiores e Persoas con Discapacidade

Prazo de presentación

Do 16 ao 30 de xuño, incluído.

Máis información

Teléfono Social gratuíto: 900 333 666

Para información sobre a xestión dos campamentos, envío de documentación, valoración de solicitudes e concesión de prazas:

1. Teléfonos:  981-547437 /981-544640.
2. Mail: autonomiapersoal.sxps@xunta.es

Para información sobre as instalacións nas que se desenvolve o programa pódese consultar a páxina web ou dirixirse directamente ás propias instalacións.

• Ficha albergue xuvenil de Gandarío
• Ficha residencia de tempo libre de Panxón