Novas

17-02-2020

Exposición “Mestura de expresións”

A alcaldesa e a concelleira de cultura acompañaron na inauguración da exposición“Mestura de expresións” á artista María Luísa Novais o 7 de febreiro ás 20:00h na SalaAntón Mouzo da Casa da Cultura.

A Sala de Exposicións Antón Mouzo, situada na Casa da Cultura de Vimianzo, acolle habitualmente exposicións de artistas da Costa da Morte contribuíndo a fomentar o seu coñecemento e a súa posta en valor.

A pintora camariñana, natural de Ponte do Porto, María Luísa Rojo- Novais Grandío achega unha mostra da súa obra artística a Vimianzo chea de cor e elementos simbólicos onde a muller ten un papel protagonista.

A artista explicou cada unha das 40 obras expostas, a maioría óleos, e indicoulle ós presentes que pinta cos colores da Costa daMorte. A alcaldesa agradeceulle a Luísa Novais que elixira a Sala de Antón Mouzo para expoñera súa obra e felicitouna pola escolla da muller como grande protagonista.

A mostra permanecerá na Sala Antón Mouzo ata o 30 de marzo.

Información artista: www.pintoranovais.com