Novas

26-04-2019

Esta semana comezou a campaña de lavado de colectores de lixo

Esta semana comezou no casco urbano de Vimianzo a campaña de lavado e posta a punto de colectores. A empresa concesionaria do servizo de recollida de lixo iniciou os traballos na zona urbana e ao longo dos próximos días estenderanse a todos os contenedores distribuidos por todo o territorio municipal.

O Concello de Vimianzo ten arredor de 800 colectores repartidos nas 14 parroquias que compoñen o noso municipio. Precismante o número de contenedores incrementouse a finais do ano pasado coa incorporación de 400 colectores amarelos destinados á recollida selectiva de envases plásticos. Esta iniciativa enmárcase na campaña “Vimianzo Limpo” que puxo en marcha o equipo goberno municipal co obxectivo de incrementar as tasas de reciclaxe dos residuos urbanos. Ademais da colocación de novos colectores, realizouse unha intensa nunha intensa campaña de información e concienciación porta a porta.

Para o alcalde, Manuel Antelo, a recollida selectiva e a separación dos distintos tipos de residuos é de vital importancia por canto supón unha mellora nas condicións medioambientais, froito dunha xestión racional dos residuos, e un aforro considerable para as arcas municipais.