Servizo de madrugadores

Co servizo de madrugadores pretendemos poñer en marcha un recurso complementario, que podemos encadrar dentro das liñas de apoio á familia e conciliación da vida familiar e laboral no Concello de Vimianzo.

O programa MADRUGADORES, vai consistir na ampliación do horario de apertura do CEIP San Vicenzo de Vimianzo durante o curso escolar 2020/2021 durante todos os días lectivos do curso.

O servizo, prestarase durante os días lectivos do curso escolar na franxa anterior ás actividades docentes diarias.

Comezará a prestarse ás 7:30 horas da mañá. As nenas e os nenos poderán incorporarse o servizo a partires desa hora en función das necesidades da familia e atendendo á conciliación da vida familiar e laboral.

A última hora para incorporarse ó servizo será ás 9:00 horas.

Obxectivos

Os obxectivos que nos marcamos con este servizo de madrugadores son:

Dar resposta á demanda social así como ás necesidades familiares de conciliación coa vida laboral tanto das nais como dos pais do Concello de Vimianzo.
Planificación por parte dos responsables do programa de actividades e tarefas durante o tempo que dura o programa e axudar con isto a fomentar as relacións de convivencia e cooperación entre as nenas e os nenos que participan no mesmo.

¿A quen vai dirixido este servizo?

Alumnado do CEIP San Vicenzo de Vimianzo

As familias que desexen acollerse a este servizo, deberá cumprimentar a folla de inscrición dispoñible na Área de Benestar Social do Concello de Vimianzo ou na páxina web do concello.