O Concello de Vimianzo propón realizar a Vía Mariana, no tramo que descorre polas terras de Vimianzo entre o Orbellido e Berdoias, co obxecto de dar a coñecer esta ruta que se inicia na cidade de Braga (Portugal) e remata na localidade galega de Muxía.
Trátase dunha ruta que pretende recuperar antigos camiños históricos polos territorios do interior de Galicia e norte de Portugal, pasando polos principais santuarios de culto relixioso e panteísta, que teñen a súa orixe no mundo precristián e continuaron ao longo do tempo vertebrando a vella Gallaecia.
Concretamente, o tramo de Vía Mariana que vai dende o Orbellido a Berdoias ten unha distancia de case 14 km, dos que o 50% descorren por camiños e o outro 50% por pistas asfaltadas de escaso tráfico. Durante a andaina teremos a ocasión de visitar a Igrexa de Santo Antoiño de BaÍñas, así como o Dolmen da Casota de Freans (Berdoias) datado entre o 2.500 e o 2.000 a.C.
A
inscrición será gratuíta e o prazo pecharase o xoves 11 de abril ás 13 horas.
Poden facer a inscrición cubrindo o seguinte formulario
https://forms.gle/9uRzX8JFU54FTewD9Para todos os que se despracen no bus do concello, a saída será ás 09.30 h da praza do concello. Os que se despracen pola súa conta deberán de estar no Cruceiro do Orbellido ás 09.45 h
Ligazóns
Descargas