Currículo Vitae

Expresión clara e concisa sobre os datos persoais, a formación e a experiencia profesional da persona que aspira a un emprego. O primero obxectivo á hora de preparar o currículo é lograr unha entrevista.

Consellos a ter en conta

En relación ao contido:

• Debe estar adaptado á oferta de traballo á que se opta.
• Redactado de forma esquemática, mellor canto máis preciso.
• Resaltar os puntos fortes, evitando mencionar aquilo que poida perxudicar.
• Evitar que se produzan lagoas ou baleiros (se é así, evita as datas).
• Non achegar nin títulos orixinais nin copias (se non o piden expresamente)

En relación á presentación:

• Unha ou dúas follas como máximo (tamaño DIN A- 4).
• Coidar a gramática e a ortografía e o xeito de expoñer os contidos.
• Escrito a ordenador (evita facelo a man, salvo que o pidan expresamente).
• Achegar unha foto recente, preferiblemente orixinal.

Estrutura

Datos persoais:

• Nome apelidos
• Enderezo (con poboación e código postal)
• Teléfono (fixo e móbil)
• Correo electrónico
• Lugar e data de nacemento
• DNI

Formación:

• Formación regrada/titulacións oficiais (ano, título, centro, lugar)
• Formación non regrada (ano, nome do curso, centro, lugar, horas)
• Formación complementaria (xornadas, seminarios, congresos, conferencias…)
• Informática (nome, centro, horas)
• Idiomas (idioma, nivel, titulación, centro, ano)

Experiencia laboral:

• Incluír todo tipo de experiencias, ainda que non estean relacionadas coa túa formación (iso demostrará que es unha persoa activa): con contrato, prácticas, voluntariado…
• Detallar, comezando polo traballo máis recente, o posto ou cargo ocupado, as tarefas e responsabilidades principais, a empresa ou entidade, lugar.

Outros datos de interese:

• Neste apartado incluirase o resto de información que poida resultar relevante: referencias, disponibilidade, mobilidade, permiso de conducir, .....

CURRÍCULOS CREATIVOS

CURRÍCULOS CREATIVOS

Aínda que o currícolo segue xogando un papel primordial nos procesos de selección, cada día cobran máis forza os novos formatos que buscan marcar a diferencia dentro dun mundo laboral cada vez máis difícil e masificado.

Estes novos tipos de CV válense das novas tecnoloxías para lograr a máxima difusión.

• CURRÍCULO GRÁFICO
• Cunha estructura moi parecida ao currículo clásico pero cambiando o xeito de presentar a información. Necesíntanse coñecementos en programas de deseño e creatividade. As ferramentas máis indicadas para facer un currículo deste tipo son: Photoshop, Indesing ou Illustrator.
• CURRÍCULO INFOGRÁFICO
• Trátase dunha representación gráfica dun concepto, ben en forma de gráfico ou de debuxo. As ferramentas máis axeitadas son: cvgram.me, visualize.me, re.vu, kinzaa e resumUP.com.
• CURRÍCULO SOCIAL

• Imprescindible para adaptarnos aos novos tempos 2.0. Este tipo de currículo compártese nas redes sociais polo que resulta moi importante controlar a imaxe, a nosa marca persoal. Ferramentas para facelo: Pinterest, Twicver, Mightworld.

• VIDEOCURRICULO
• Novo método para atopar emprego, opción ideal para amosar ao entrevistador quen está detrás do currículo clásico e poder poñer cara á persoa e ver como interactúa. O máis importante é a imaxe persoal e a presentación do espazo.
• CURRÍCULO WEB
• Consiste en buscar un portal que ofreza a posibilidade de xerar un currículo e posteriormente difundilo polo que ademais de obter un currículo cun bo deseño, contas tamén cunha URL personalizada que podes compartir nas redes sociais. O máis importante é saber dinamizalo en Internet e telo actualizado. Ferramentas para facelo: Easy-CV, Do you buzz, Cuvitt, Resumonk e Visualcv.

CURRÍCULO EUROPASS

EUROPASS

É o formato unificado de currículo vitae que propón a Unión Europea para facilitar a busca de emprego dos traballadores nos diferentes países de Europa.

O seu obxectivo é facilitar a mobilidade entre traballadores por toda Europa, presentando as capacidades e cualificacións de xeito sinxelo e facilmente comprensible en todos os países europeos.

Componse de 5 documentos dos que o currículo é a peza principal ainda que non a única. Os documentos que o compoñen son: pasaporte de linguas, documento de mobilidade, suplementos ao título superior e certificados. Mentres que o curriculum e o pasaporte de linguas pódese crear por un mesmo, os outros tres documentos, teñen que ser expedidos polas autoridades educativas de cada país.