Formación
-
Emprego e Promoción Económica
Visitas virtuais polos museos de todo el mundoDo 23-05-2024 ao 23-05-2024
-
Emprego e Promoción Económica
Cinco aplicacións para crear a túa biblioteca persoalDo 30-05-2024 ao 30-05-2024
Convocatorias
-
Emprego e Promoción Económica
Ciclo medio de xestión administrativa - IES TERRA DE SONEIRA (Vimianzo) -
Cultura
2024 LIBROS MADE IN GALIZA -
Emprego e Promoción Económica
Probas para obtención de certificados de CELGA 1, 2, 3 e 4 -
Emprego e Promoción Económica
Cursos de lingua galega preparatorios das probas para obter os certificados de lingua galega Celga 2, Celga 3 e Celga 4
Emprego
Novas
O Val de Vimianzo foi o protagonista da primeira ruta de sendeirismo guiado
O Val de Vimianzo acolleu por vez primeira unha ruta guiada que o rodea pasando polas diferentes aldeas situadas nas ladeiras dos montes. O percorrido foi circular, con saída e regreso no castelo, chegando ao punto máis ao sur en Cambeda, e o máis ao norte en Bribes. Na andaina aproveitouse a ocasión para camiñar á beira do rego de Cambeda, por riba dunha centenaria ponte que saíu á luz tralas recentes limpezas. Tamén se visitaron diferentes muíños, como o da Gándara, Sariño ou As Pasantes. Fóra dos ríos, un dos lugares que máis chamou a atención dos visitantes foi A Toxa, que conserva moi ben a súa arquitectura tradicional, onde se sitúan as ruínas da capela de San Xosé, cunhas magníficas vistas sobre o Val. A arqueoloxía tamén tivo a súa presenza co paseo polas murallas do castro das Barreiras e as explicacións sobre outras aldeas da Idade do Ferro como Sansobre e A Pena. Por outra parte, coas explicacións desde o propio castelo tamén se lembrou a importancia de Vimianzo como cabeza de xurisdición, o que levou a que moitos fidalgos establecesen no Val a súa residencia: os pazos de Trasariz e Trasouteiro ou casas grandes como as de Casais ou A Toxa son testemuños do mesmo. Deste xeito comezaba Pon as botas, un ciclo de rutas de sendeirismo guiadas que roldan aproximadamente os 10 km cada unha, polo que son fáciles de realizar por todos os públicos. A próxima saída terá lugar este sábado, aos Penedos de Pasarela. Un máxico lugar onde as rochas de granito tórnanse esculturas de formas caprichosas, e que os levaron a seren declarados Paisaxe Protexida. A ruta, como todas as do ciclo, sae ás 10 da mañá do castelo. Un bus levará aos visitantes a Pasarela para comezar na aldea o percorrido polos Penedos. Hai prazas limitadas polo que se pide reservar con antelación no correo electrónico visitavimianzo@gmail.com ou no teléfono do castelo 981 716 354
Fax: 981716650
