Novas

22-02-2016

O vimiancés David Calzas e a coruñesa Bea Romero, campións da 7ª edición do Duatlón de Reis

A lama volveu a ser a verdadeira protagonista da 7ª edición do Duatlón de Reis do Concello de Vimianzo que se disputou este domingo.
Antes de iniciarse a proba rendiuselle homenaxe ao participante en anteriores edicións Fernando Abad, que faleceu mentres entrenaba no pasado mes de outubro. A organización entregoulle ao Clube O Treito o dorsal co que o deportista competiu na pasada edición e gardouse un minuto de silencio.
Tomaron a saída un total de 134 corredores e corredoras chegados de toda Galicia.
Na categoría masculina o vencedor foi o soneirán David Calzas que empregou un tempo total dunha hora e vinte e seis minutos.
En canto á categoría feminina a gañadora foi a coruñesa Bea Romero que empregou un tempo total de dúas horas e un minuto. A chegada feminina foi moi emocionante pois as tres primeiras clasificadas chegaron con tempos moi parellos.
Ademáis dos trofeos os gañadores e gañadoras recibiron unha cesta con produtos doada por empresas da parroquia vimiancesa de Salto.
Dende o Concello de Vimianzo queremos agradecer a todas e todos os participantes que o domingo se achegaron a Castromil para participar na proba e convidalos a voltar para a vindeira edición.
Tamén queremos agradecer a colaboración das máis de 40 persoas que colaboraron de maneira desinteresada na organización. Sen elas eles o desenvolvemento desta proba sería imposíbel.