28-09-2015
VALIDACIÓNS DE TÍTULOS DE GALEGO (CELGA)
Dende o Servizo de Normalización Lingüística do Concello de Vimianzo informamos de que todas aquelas persoas que non teñan o Celga nin teñan pedido a súa validación no centro educativo onde cursaron os seus estudos primarios ou secundarios poden facelo agora. Será imprescindible ter cursado e superado a materia de lingua galega nos seus estudos.
De non ter o certificado Celga, a validación terá os mesmos efectos e é de grande importancia, e ás veces incluso requisito, para algúns postos de traballo, acceso a emprego público, cursos de formación , etc.
No Servizo de Normalización Lingüística do Concello recomendámoslles a todas aquelas persoas que non teñan a súa validación que a soliciten neste momento acudindo ao seu colexio ou instituto, pois pode serlles útil no futuro.
Todas aqueles/as interesados/as poden informarse dirixíndose ao
Servizo de Normalización Lingüística do concello a través deste mail:
vanesa.otero@vimianzo.gal ou ben por teléfono no seguinte número: 981 716 001 (extensión 232); tamén podes dirixirte persoalmente á Casa do Concello (Promoción económica) e preguntar por Vanesa.